0:00
/
1ܐܝܼܢܵܐ ܟܲܕ ܗَܘܹܐ ܠܹܗ ܨܲܦܪܵܐ: ܥܒܸܕܠܗܘܿܢ ܪܵܐܝܝܼ ܥܲܠ ܝܼܫܘܿܥ ܟܠܵܝܗܝ ܓܘܼܪ̈ܵܢܹܐ ܕܟܵܗܢܹ̈ܐ ܘܚܘܵܪ̈ܕܸܩܢܹܐ ܕܛܵܝܸܦܵܐ: ܕܡܲܡܝܸܬܝܼ ܗ݇ܘܵܘ ܠܹܗ. 2ܘܐَܣܸܪܗܘܿܢ ܐܸܠܹܗ: ܘܠܘܼܒܸܠܗܘܿܢ: ܘܣܘܼܦܹܐܠܗܘܿܢ ܐܸܠܹܗ ܠܦܝܼܠܵܛܘܿܣ ܗܵܟܝܼܡ. 3ܗ̇ܝܓܵܗ ܝܼܗܘܼܕܵܐ ܣܵܦܝܵܢܹܗ: ܟܲܕ ܚܙܹܐܠܹܗ ܕܦܸܫܠܹܗ ܥܒ̣ܝܼܕܵܐ ܓܘܼܢܗܟܵܪ ܗ̇ܘ: ܦܫܸܡܠܹܗ: ܘܡܘܼܕܸܪܹܗ ܠܐܵܢܝܼ ܬܠܵܬܝܼ ܙܘܼܙܹ̈ܐ ܕܣܹܐܡܵܐ ܠܓܘܼܪ̈ܵܢܹܐ ܕܟܵܗܢܹ̈ܐ ܘܠܚܘܵܪ̈ܕܸܩܢܹܐ. 4ܘܐَܡܝܼܪܹܗ: ܚܛܹܐܠܝܼ ܕܣܘܼܦܹܐܠܝܼ ܕܸܡܵܐ ܙܲܟܵܝܵܐ: ܐܝܼܢܵܐ ܐܵܢܝܼ ܐَܡܸܪܗܘܿܢ ܐܸܠܹܗ: ܩܵܐ ܕܝܲܢ ܡܘܼܕܝܼ: ܐܲܢَܬ ܟܹܐ ܝܵܕܥܸܬ. 5ܘܪܘܼܦܹܠܹܗ ܠܙܘܼܙܹ̈ܐ ܕܣܹܐܡܵܐ ܓܵܘ ܗܲܝܟܠܵܐ: ܘܫܘܼܢܹܐܠܹܗ: ܐَܙܸܠܹܗ ܚܢܝܼܩܵܠܹܗ ܓܵܢܹܗ. 6ܘܓܘܼܪ̈ܵܢܹܐ ܕܟܵܗܢܹ̈ܐ ܫܩܸܠܗܘܿܢ ܠܙܘܼܙܹ̈ܐ ܕܣܹܐܡܵܐ: ܘܐَܡܸܪܗܘܿܢ: ܠܹܐ ܝ݇ܠܵܗ̇ ܒܕܲܣܬܘܼܪ ܕܕܵܪܚ ܠܗ݇ܘܿܢ ܓܵܘ ܒܹܝܬ ܚܲܙܝܼܢܵܐ: ܣܵܒܵܒ ܛܝܼܡܵܐ ܕܕܸܡܵܐ ܝܢܵܐ. 7ܘܥܒܸܕܠܗܘܿܢ ܪܵܐܝܝܼ: ܘܙܒܸܢܗܘܿܢ ܒܝܼܵܝܗܝ ܚܲܩܠܵܐ ܕܦܲܚܵܪܵܐ ܩܵܐ ܒܹܝܬ ܩܒ̣ܘܼܪܵܐ ܕܢܘܼܟ̣ܪ̈ܵܝܹܐ. 8ܣܵܒܵܒ ܕܐܵܗܵܐ ܦܸܫܠܵܗ̇ ܩܪܝܼܬܵܐ ܗ̇ܝ ܚܲܩܠܵܐ: ܚܲܩܠܵܐ ܕܕܸܡܵܐ: ܗܲܠ ܐܵܗܵܐ ܝܵܘܡܵܐ. 9ܗ̇ܝܓܵܗ ܬܘܼܡܸܡܠܹܗ ܡܸܢܕܝܼ ܕܦܸܫܠܹܗ ܐَܡܝܼܪܵܐ ܒܝܲܕ ܐܹܪܲܡܝܵܐ ܢܒ̣ܝܼܵܐ: ܕܐَܡܝܼܪܹܗ: ܘܫܩܸܠܗܘܿܢ ܬܠܵܬَܝܼ ܙܘܼܙܹ̈ܐ ܕܣܹܐܡܵܐ: ܛܝܼܡܹܗ ܕܡܘܼܥܡܸܠܵܐ: ܕܡܘܼܥܡܸܠܗܘܿܢ ܡ̣ܢ ܒܢܲܝ̈ ܝܼܣܪܵܝܹܠ. 10ܘܝܸܗܒ̣ܵܝܠܗܘܿܢ ܒܚܲܩܠܹܗ ܕܦܲܚܵܪܵܐ: ܐܲܝܟܼ ܕܦܩܸܕܠܹܗ ܐܸܠܝܼ ܡܵܪܝܵܐ. 11ܐܝܼܢܵܐ ܝܼܫܘܿܥ ܟܠܹܐܠܹܗ ܩܵܕَܡ ܗܵܟܝܼܡ. ܘܒܘܼܩܸܪܹܗ ܡܸܢܹܗ ܗܵܟܝܼܡ: ܘܐَܡܝܼܪܹܗ: ܐܸܠܹܗ: ܐܲܢَܬ ܝܼܘܸܬ ܡܲܠܟܵܐ ܕܝܗَܘܼܕܵܝܹ̈ܐ: ܐܵܡܸܪ ܐܸܠܹܗ ܝܼܫܘܿܥ: ܐܲܢَܬ ܐܡܸܪܘܿܟ. 12ܘܟܲܕ ܒܸܡܚܵܝܵܐ ܗ݇ܘܵܘ ܕܲܪܗܲܩܹܗ ܓܘܼܪ̈ܵܢܹܐ ܕܟܵܗܢܹ̈ܐ ܘܚܘܵܪ̈ܕܸܩܢܹܐ: ܗ̇ܘ ܡܸܢܕܝܼ ܓ̰ܘܼܘܵܒ ܠܵܐ 13ܡܘܼܕܸܪܹܗ. ܗ̇ܝܓܵܗ ܐَܡܝܼܪܹܗ ܐܸܠܹܗ ܦܝܼܠܵܛܘܿܣ: ܠܹܐ ܝܘܸܬ ܒܸܫܡܲܥܝܵܐ ܟܡܵܐ ܣܵܗܕܘ̈ܬܵܐ ܒܝܼܵܗَܒ̣ܵܐ ܝܢܵܐ ܥܲܠܘܼܟܼ. 14ܘܠܵܐ ܝܘܼܗَܒܼܸܠܹܗ ܓ̰ܘܼܘܵܒ: ܐܘܼܦܠܵܐ ܒܚܕܵܐ ܗܹܡܸܙܡܵܢ: ܗܲܕܟ̣ܵܐ ܕܥܘܼܓ̰ܸܒܠܹܗ ܗܵܟܝܼܡ ܪܵܒܵܐ. 15ܐܝܼܢܵܐ ܒܥܹܐܕܵܐ ܥܵܕܲܬ ܝܼܗ݇ܘܵܐ ܕܗܵܟܝܼܡ ܫܵܪܹܐ ܗ݇ܘܵܐ ܚܲܕَ ܐܲܣܝܼܪܵܐ ܠܛܵܝܸܦܵܐ: ܐܲܝܢܝܼ ܕܐܵܢܝܼ ܒܵܥܝܼ ܗ݇ܘܵܘ. 16ܘܐܝܼܬ ܗ݇ܘܵܐ ܠܗ݇ܘܿܢ ܚܲܕَ ܐܲܣܝܼܪܵܐ ܡܲܫܗܘܼܪ ܕܦܝܵܫܵܐ ܗ݇ܘܵܐ ܩܸܪܝܵܐ ܒܲܪ ܐܲܒܵܐ. 17ܘܟܲܕ ܓ̰ܸܡܥܝܹܐ ܗ݇ܘܵܘ: ܐَܡܝܼܪܹܗ ܐܸܠܵܝܗܝ ܦܝܼܠܵܛܘܿܣ: ܠܡ̇ܢ ܒܵܥܹܝܬܘܿܢ ܕܫܵܪܸܢ ܐܸܠܵܘܟ̣ܘܿܢ: ܠܒܲܪ ܐܲܒܵܐ: ܝܲܢ ܠܝܼܫܘܿܥ ܕܦܝܵܫܵܐ ܝܠܹܗ ܩܸܪܝܵܐ ܡܫܝܼܚܵܐ. 18ܣܵܒܵܒ ܕܟܹܐ ܝܵܕܸܥ ܗ݇ܘܵܐ ܕܡ̣ܢ ܒܲܚܸܠܵܢܘܼܬܵܐ ܣܘܼܦܹܐܠܗܘܿܢ ܐܸܠܹܗ. 19ܐܝܼܢܵܐ ܟܲܕ ܝܬܝܼܒ̣ܵܐ ܗ݇ܘܵܐ ܗ̇ܘ ܥܲܠ ܟܘܼܪܣܝܵܐ ܕܕܝܼܘܵܢ: ܫܘܼܕܸܪܵܗ̇ ܠܟܸܣܠܹܗ ܒܲܟ̣ܬܹܗ: ܘܐܵܡܪܵܐ ܐܸܠܹܗ: ܠܵܐ ܗܵܘܹܐ ܠܘܼܟܼ ܫܘܼܠܵܐ ܡܗ̇ܘ ܙܲܕܝܼܩܵܐ: ܣܵܒܵܒ ܪܵܒܵܐ ܩܘܼܒܸܠܝܼ ܚܲܫܵܐ ܒܚܸܠܡܝܼ ܐܸܕܝܘܿܡ ܒܘܼܬ ܕܝܹܗ. 20ܐܝܼܢܵܐ ܓܘܼܪ̈ܵܢܹܐ ܕܟܵܗܢܹ̈ܐ ܘܚܘܵܪ̈ܕܸܩܢܹܐ ܡܘܼܠܸܦܠܗܘܿܢ ܠܟܸܢܫܹ̈ܐ ܕܛܵܠܒܝܼ ܗ݇ܘܵܘ ܠܒܲܪ ܐܲܒܵܐ: ܘܕܬܵܠܩܝܼ ܗ݇ܘܵܘ ܠܝܼܫܘܿܥ. 21ܘܓ̰ܘܼܘܸܒܠܹܗ ܗܵܟܝܼܡ ܘܐَܡܝܼܪܹܗ ܐܸܠܵܝܗܝ: ܠܡ̇ܢ ܒܵܥܹܝܬܘܿܢ ܕܫܵܪܸܢ ܐܸܠܵܘܟ̣ܘܿܢ ܡ̣ܢ ܬܸܪ̈ܘܵܝܗܝ: ܘܐܵܢܝܼ ܐܡܹܪܗܘܿܢ: ܠܒܲܪ ܐܲܒܵܐ. 22ܐܵܡܸܪ ܐܸܠܵܝܗܝ ܦܝܼܠܵܛܘܿܣ: ܒܲܣ ܠܝܼܫܘܿܥ ܕܦܝܵܫܵܐ ܝܠܹܗ ܩܸܪܝܵܐ ܡܫܝܼܚܵܐ ܡܘܼܕܝܼ ܥܵܒ̣ܕܸܢ: ܐܵܡܪܝܼ ܟܠܵܝܗܝ: ܦܵܐܹܫ ܙܩܝܼܦܵܐ. 23ܐܵܡܸܪ ܐܸܠܵܝܗܝ: ܩܵܡܘܿܕܝܼ: ܡܘܼܕ ܚܸܪܒܘܼܬܵܐ ܥܒܸܕܠܹܗ: ܐܝܼܢܵܐ ܐܵܢܝܼ ܒܘܼܫ ܙܵܘܕܵܐ ܡܘܼܩܘܸܚܠܗܘܿܢ ܘܐَܡܸܪܗܘܿܢ: ܦܵܐܹܫ ܙܩܝܼܦܵܐ. 24ܘܦܝܼܠܵܛܘܿܣ: ܟܲܕ ܚܙܹܐܠܹܗ ܕܡܸܢܕܝܼ ܠܹܐ ܗ݇ܘܵܐ ܡܲܙܝܘܼܕܹܐ: ܐܸܠܵܐ ܕܒܘܼܫ ܙܵܘܕܵܐ ܫܓ̣ܘܼܫܝܵܐ ܒܸܗܘܵܝܵܐ ܗ݇ܘܵܐ: ܫܩܸܠܹܗ ܡ̈ܝܼܵܐ ܚܘܼܠܸܠܹܗ ܠܐܝܼܕܵܬܹ̈ܗ ܩܵܕَܡ ܟܸܢܫܵܐ: ܘܐَܡܝܼܪܹܗ: ܚܵܠܝܼܨ ܝܼܘܸܢ ܡ̣ܢ ܕܸܡܹܗ ܕܐܵܗܵܐ ܙܲܕܝܼܩܵܐ: ܐܲܚܬܘܿܢ ܟܹܐ ܝܵܕܥܝܼܬܘܿܢ. 25ܘܓ̰ܘܼܘܸܒܠܹܗ ܟܠܹܗ ܛܵܝܸܦܵܐ ܘܐَܡܝܼܪܹܗ: ܕܸܡܹܗ ܥܲܠܲܢ ܘܥܲܠ ܒܢܘܼ̈ܢܲܢ. 26ܗ̇ܝܓܵܗ ܫܪܹܐܠܹܗ ܐܸܠܵܝܗܝ ܠܒܲܪ ܐܲܒܵܐ: ܘܓ̰ܘܼܢܓ̰ܸܪܹܗ ܒܩܲܡ̈ܟ̰ܝܹܐ ܠܝܼܫܘܿܥ: ܘܣܘܼܦܹܐܠܹܗ ܠܸܦܝܵܫܵܐ ܙܩܝܼܦܵܐ. 27ܗ̇ܝܓܵܗ ܣܲܪ̈ܒܵܙܹܐ ܕܗܵܟܝܼܡ ܠܘܼܒܸܠܗܘܿܢ ܠܝܼܫܘܿܥ ܠܦܪܵܛܘܿܪܝܼܢ: ܘܓ̰ܘܼܡܸܥܠܗܘܿܢ ܥܲܠܘܼܗܝ ܟܠܵܗ̇ ܕܲܣܬܵܐ. 28ܘܫܘܼܠܸܚܠܗܘܿܢ ܐܸܠܹܗ: ܘܡܘܼܠܒܸܫܠܗܘܿܢ ܐܸܠܹܗ ܓ̰ܘܼܒܵܐ ܕܩܸܪܡܝܼܙ. 29ܘܓܕܸܠܗܘܿܢ ܒܸܢܦܵܪ ܕܟܸܬܘܹ̈ܐ: ܘܡܘܼܬܸܒ̣ܠܗܘܿܢ ܒܪܹܫܹܗ: ܘܙܹܠܵܐ ܒܝܲܡܝܼܢܹܗ: ܘܒܪܸܟ̇ܠܗܘܿܢ ܩܵܕَܡܘܼܗܝ: ܘܡܲܣܚܸܪܝܼ ܗ݇ܘܵܘ ܒܝܹܗ: ܘܐܵܡܪܝܼ: ܫܠܵܡܵܐ: ܡܲܠܟܵܐ ܕܝܗَܘܼܕܵܝܹ̈ܐ. 30ܘܪܸܩܠܗܘܿܢ ܥܲܠܘܼܗܝ: ܘܫܩܸܠܗܘܿܢ ܙܹܠܵܐ ܘܡܵܚܝܼ ܗ݇ܘܵܘ ܠܹܗ ܥܲܠ ܪܹܫܹܐ. 31ܘܟܲܕ ܡܘܼܣܚܸܪܗܘܿܢ ܒܝܹܗ: ܫܘܼܠܚܵܠܗܘܿܢ ܡܸܢܹܗ ܓ̰ܘܼܒܵܐ: ܘܡܘܼܠܒܸܫܠܗܘܿܢ ܐܸܠܹܗ ܓ̰ܘܼܠܘܼ̈ܗܝ: ܘܠܘܼܒܸܠܗܘܿܢ ܐܸܠܹܗ ܠܸܦܝܵܫܵܐ ܙܩܝܼܦܵܐ. 32ܘܟܲܕ ܒܸܦܠܵܛܵܐ ܗ݇ܘܵܘ: ܡܘܼܫَܟ̰ܸܚܠܗܘܿܢ ܚܲܕَ ܐ݇ܢܵܫܵܐ ܩܸܘܪܝܼܢܵܝܵܐ: ܫܸܡܹܗ ܫܸܡܥܘܿܢ ܠܐܵܗܵܐ ܥܒܸܕܠܗܘܿܢ ܫܘܼܚܪܵܐ ܕܛܵܥܸܢ ܠܙܩܝܼܦܹܗ. 33ܘܐ݇ܬܹܐܠܗܘܿܢ ܠܕܘܼܟܬܵܐ ܕܦܝܵܫܵܐ ܝ݇ܠܵܗ̇ ܩܪܝܼܬܵܐ ܓܵܓ̣ܘܼܠܬܵܐ: ܗ̇ܝ ܕܦܝܵܫܵܐ ܦܘܼܫܸܩܬܵܐ: ܕܘܼܟܵܐ ܕܩܲܪܩܲܦܬܵܐ. 34ܘܝܸܗܒܸܠܗܘܿܢ ܐܸܠܹܗ ܚܲܡܪܵܐ ܠܸܫܬܵܝܵܐ: ܚܒ̣ܝܼܛܵܐ ܒܡܪܵܪܬܵܐ. ܘܟܲܕ ܛܥܸܡܠܹܗ: ܠܵܐ ܒܣܸܡܠܵܐ ܠܹܗ ܠܸܫܬܵܝܵܐ. 35ܘܟܲܕ ܙܩܸܦܠܗܘܿܢ ܐܸܠܹܗ: ܦܘܼܠܹܠܗܘܿܢ ܠܓ̰ܘܼܠܘܼ̈ܗܝ ܒܕܪܵܝܬܵܐ ܕܦܸܫܟܵܐ. 36ܘܝܬܸܒ̣ܠܗܘܿܢ: ܘܢܛܸܪܗܘܿܢ ܐܸܠܹܗ ܬܵܡܵܐ. 37ܘܡܘܼܬܸܒ̣ܠܗܘܿܢ ܠܥܸܠܸܠ ܡ̣ܢ ܪܹܫܹܗ ܗܲܓ̰ܲܬܹܗ ܟܬܝܼܒ̣ܬܵܐ: ܐܗܐ ܝܠܹܗ ܝܼܫܘܥ ܡܲܠܟܵܐ ܕܝܼܗَܘܼܕܵܝܹ̈ܐ. 38ܗ̇ܝܓܵܗ ܦܸܫܠܗَܘܿܢ ܙܩܝܼܦܹܐ ܥܲܡܹܗ ܬܪܹܝ ܓ̰ܵܠܵـ̈ـܠܵܝܹ̈ܐ: ܚܲܕَ ܡ̣ܢ ܝܲܡܝܼܢܹܗ ܘܚܲܕَ ܡ̣ܢ ܣܸܡܵܠܹܗ. 39ܘܐܵܢܝܼ ܕܥܵܒ̣ܪܝܼ ܗ݇ܘܵܘ: ܓܵܕܦܝܼ ܗ݇ܘܵܘ ܥܲܠܘܼܗܝ: ܘܫܵܥܫܝܼ ܗ݇ܘܵܘ ܪܹܫܵܝܗܝ. 40ܘܐܵܡܪܝܼ: ܣܵܬܪܵܢܵܐ ܕܗܲܝܟܠܵܐ ܘܒܵܢܝܵܢܹܗ ܒܬܠܵܬَܐ ܝܵܘܡܵܢܹ̈ܐ: ܦܵܨܝܼ ܓܵܢܘܼܟ: ܐܸܢ ܒܪܘܿܢܹܗ ܕܐܲܠܵܗܵܐ ܝܘܸܬ: ܘܨܠܝܼ ܡ̣ܢ ܙܩܝܼܦܵܐ. 41ܗܲܕܟ̣ܵܐ ܐܘܼܦ ܓܘܼܪ̈ܵܢܹܐ ܕܟܵܗܢܹ̈ܐ ܡܲܚܣܸܪܝܼ ܗ݇ܘܵܘ: ܥܲܡ ܣܵܦܪܹ̈ܐ ܘܚܘܵܪ̈ܕܸܩܢܹܐ: ܘܐܵܡܪܝܼ. 42ܠܐ݇ܚܹܪ̈݇ܢܹܐ ܡܘܼܚܹܐܠܹܗ: ܓܵܢܹܗ ܠܹܐ ܡܵܨܹܐ ܠܡܲܚܘܼܝܹܐ. ܐܸܢ ܡܲܠܟܵܐ ܕܝܼܣܪܵܝܹܠ ܝܼܠܹܗ: ܨܵܠܹܐ ܐܵܕܝܼܵܐ ܡ̣ܢ ܙܩܝܼܦܵܐ: ܘܗܲܡܸܢܲܚ ܒܝܹܗ. 43ܒܗܹܒ̣ܝܼ ܝܠܹܗ ܥܲܠ ܐܲܠܵܗܵܐ: ܒܸܬ ܦܵܪܸܩ ܠܹܗ ܐܵܕܝܼܵܐ ܐܸܢ ܒܵܣܡܵܐ ܠܹܗ ܒܝܹܗ. ܣܵܒܵܒ ܕܐَܡܝܼܪܹܗ: ܒܪܘܿܢܹܗ ܕܐܲܠܵܗܵܐ ܝܘܸܢ. 44ܗܲܕܟ̣ܵܐ ܐܘܼܦ ܓ̰ܵܠܵܠܵܝܹ̈ܐ: ܐܵܢܝܼ ܕܦܸܫܠܗَܘܿܢ ܙܩܝܼܦܹܐ ܥܲܡܹܗ: ܠܵܝܡܝܼ ܗ݇ܘܵܘ ܠܹܗ. 45ܐܝܼܢܵܐ ܡ̣ܢ ܣܵܥܲܬ ܕܐܸܫܬ ܗَܘܹܐܠܹܗ ܚܸܫܟܵܐ ܥܲܠ ܟܠܵܗ̇ ܐܲܪܥܵܐ ܗܲܠ ܣܵܥܲܬ ܕܐܸܬܫܲܥ. 46ܘܐܲܝܟܼ ܒܣܵܥܲܬ ܕܐܸܬܫܲܥ: ܡܘܼܩܘܸܚܠܹܗ ܝܼܫܘܿܥ ܒܩܵܠܵܐ ܪܵܡܵܐ: ܘܐَܡܝܼܪܹܗ: ܐܹܝܠܝ: ܐܹܝܠܝ: ܠܡܵܢܵܐ ܫܒܲܩܬܵܢܝ ܝܲܥܢܹܐ: ܐܲܠܵܗܝܼ: ܐܲܠܵܗܝܼ، ܩܵܡܘܿܕܝܼ ܫܒ̣ܝܼܩܸܢܘܼܟ. 47ܘܐ݇ܢܵܫܹ̈ܐ ܡ̣ܢ ܕܐܵܢܝܼ ܕܟܸܠܝܹܐ ܗ݇ܘܵܘ ܬܵܡܵܐ: ܟܲܕ ܫܡܸܥܠܗَܘܿܢ: ܐܵܡܪܝܼ ܗ݇ܘܵܘ: ܐܵܗܵܐ ܠܐܹܠܝܼܵܐ ܒܸܩܪܵܝܵܐ ܝܠܹܗ. 48ܘܕܲܪܣܵܥܲܬ ܪܚܸܛܠܹܗ ܚܲܕَ ܡܸܢܵܝܗܝ: ܫܩܸܠܹܗ ܐܸܣܦܘܼܓܵܐ ܘܡܸܠܝܵܠܹܗ ܚܵܠܵܐ: ܡܘܼܬܒ̣ܵܐܠܹܗ ܒܙܹܠܵܐ ܘܡܘܼܫܬܹܐܠܹܗ. 49ܐܝܼܢܵܐ ܐ݇ܚܹܪ̈݇ܢܹܐ ܐܵܡܪܝܼ ܗ݇ܘܵܘ: ܫܒ̣ܘܿܩ ܚܵܙܵܚ ܐܸܢ ܐܵܬܹܐ ܐܹܠܝܼܵܐ ܠܦܵܪܘܿܩܹܗ. 50ܐܝܼܢܵܐ ܝܼܫܘܿܥ ܡܸܢَܕܪܸܫَ ܡܘܼܩܘܸܚܠܹܗ ܒܩܵܠܵܐ ܪܵܡܵܐ: ܘܫܒ̣ܝܼܩܵܠܹܗ ܪܘܼܚܹܗ. 51ܘܗܵܐ: ܣܸܬܪܵܐ ܕܬܲܪܥܵܐ ܕܗܲܝܟܠܵܐ ܦܸܫܠܹܗ ܟ̰ܘܼܢܟ̰ܸܪܵܐ ܠܬܪܹܝ: ܡ̣ܢ ܠܥܸܠܸܠ ܗܲܠ ܠܐܸܠܬܸܚ. ܘܐܲܪܥܵܐ ܫܥܸܫܠܵܗ̇: ܘܟܹܐܦܹ̈ܐ ܦܸܫܠܗَܘܿܢ ܟ̰ܠܝܼܦܹܐ. 52ܘܒܹܝܬ ܩܒ̣ܘܼܪܹ̈ܐ ܦܸܫܠܗَܘܿܢ ܦܬܝܼܚܹܐ. ܘܪܵܒܵܐ ܦܲܓ̣ܪܹ̈ܐ ܕܩܲܕܝܼܫܹ̈ܐ ܕܕܡܝܼܟܹܐ ܗ݇ܘܵܘ ܩܸܡܠܗَܘܿܢ. 53ܘܦܠܸܛܠܗܘܿܢ ܡ̣ܢ ܒܹܝܬ ܩܒ̣ܘܼܪܹ̈ܐ: ܘܒܵܬَܪ ܩܝܵܡܬܹܗ ܥܒܼܸܪܗܘܿܢ ܠܡܕܝܼܢَܬܵܐ ܩܲܕܝܼܫܬܵܐ: ܘܦܸܫܠܗَܘܿܢ ܚܸܙܝܹܐ ܠܪܵܒܵܐ. 54ܐܝܼܢܵܐ ܩܸܢܛܪܘܿܢܵܐ ܘܐܢܝܼ ܕܥܲܡܹܗ ܒܸܢܛܵܪܵܐ ܗ݇ܘܵܘ ܠܝܼܫܘܿܥ: ܟܲܕ ܚܙܹܐܠܗܘܿܢ ܪܵܘܕܵܢܵܐ: ܘܡܸܢܕܝܵܢܹ̈ܐ ܕܗَܘܹܐܠܗَܘܿܢ: ܙܕܸܥܠܗܘܿܢ ܪܵܒܵܐ: ܘܐَܡܸܪܗܘܿܢ: ܫܲܪܝܼܪܵܐܝܼܬ ܐܵܗܵܐ ܒܪܘܿܢܹܗ ܕܐܲܠܵܗܵܐ ܗ݇ܘܵܐ. 55ܘܐܝܼܬ ܗ݇ܘܵܘ ܬܵܡܵܐ ܒܲܟ̣ܬܵܬܹ̈ܐ ܪܵܒܵܐ ܕܒܸܚܝܵܪܵܐ ܗ݇ܘܵܘ ܡ̣ܢ ܪܸܚܩܵܐ: ܐܵܢܝܼ ܕܐَܬܝܹܐ ܗ݇ܘܵܘ ܒܵܬَܪܹܗ ܕܝܼܫܘܿܥ ܡ̣ܢ ܓܠܝܼܠܵܐ: ܒܸܥܒ̣ܵܕܵܐ ܐܸܠܹܗ ܚܸܠܡܲܬ. 56ܕܚܕܵܐ ܡܸܢܵܝܗܝ ܡܲܪܝܲܡ ܡܲܓ̣ܕܠܵܝܬܵܐ ܗ݇ܘܵܐ: ܘܡܲܪܝܲܡ ܝܸܡܹܗ ܕܝܲܥܩܘܿܒ̣ ܘܕܝܘܿܣܹܐ: ܘܝܸܡܵܐ ܕܒܢܘܿܢܹ̈ܐ ܕܙܲܒ̣ܕܲܝ. 57ܐܝܼܢܵܐ ܟܲܕ ܗَܘܹܐܠܹܗ ܪܲܡܫܵܐ: ܐَܬܹܐܠܹܗ ܚܲܕَ ܐ݇ܢܵܫܵܐ ܕܵܘܠܲܬܡܲܢܕ ܡ̣ܢ ܪܵܡܬܵܐ: ܫܸܡܹܗ ܝܵܘܣܸܦ: ܕܐܘܼܦ ܗ̇ܘ ܦܝܼܫܵܐ ܗ݇ܘܵܐ ܬܘܼܠܡܸܕܵܐ ܠܝܼܫܘܿܥ. 58ܐܵܗܵܐ ܐَܬܹܐܠܹܗ ܠܟܸܣ ܦܝܼܠܵܛܘܿܣ: ܘܛܠܸܒܠܹܗ ܠܦܲܓ̣ܪܹܗ ܕܝܼܫܘܿܥ. ܗ̇ܝܓܵܗ ܦܩܸܕܠܹܗ ܦܝܼܠܵܛܘܿܣ ܕܦܵܐܹܫ ܗ݇ܘܵܐ ܝܘܼܗَܒ̣ܵܐ ܐܸܠܹܗ. 59ܘܫܩܸܠܹܗ ܝܵܘܣܸܦ ܠܦܲܓ̣ܪܵܐ: ܘܟܘܼܪܸܟ̣ܠܹܗ ܒܩܸܛܥܵܐ ܕܟܸܬܵܢ ܕܸܟ̣ܝܵܐ. 60ܘܡܘܼܬܸܒ̣ܠܹܗ ܓܵܘ ܒܹܝܬ ܩܒ̣ܘܼܪܵܐ ܚܲܕܬܵܐ ܕܓܵܢܹܗ: ܕܢܩܝܼܪܬܵܐ ܒܩܵܝܵܐ: ܘܡܘܼܚܕܸܪܹܗ ܠܟܹܐܦܵܐ ܓܘܼܪܵܐ ܥܲܠ ܬܲܪܥܵܐ ܕܒܹܝܬ ܩܒ̣ܘܼܪܵܐ: ܘܐَܙܸܠܹܗ. 61ܘܐܝܼܬ ܗ݇ܘܵܘ ܬܵܡܵܐ ܡܲܪܝܲܡ ܡܲܓ̣ܕܠܵܝܬܵܐ ܘܡܲܪܝܲܡ ܐܚܹܪَܬܵܐ: ܒܸܬܝܵܒ̣ܵܐ ܠܒܲܪܩܘܼܒ̣ܠ ܕܩܲܒ̣ܪܵܐ. 62ܐܝܼܢܵܐ ܒܩܵܝܕܲܡܬܵܐ: ܕܝܼܗ݇ܘܵܐ ܒܵܬَܪ ܝܵܘܡܵܐ ܕܗܵܕܲܪܬܵܐ: ܓ̰ܡܸܥܠܗܘܿܢ ܓܘܼܪ̈ܵܢܹܐ ܕܟܵܗܢܹ̈ܐ ܘܦܪ̈ܝܼܫܹܐ ܠܟܸܣ ܦܝܼܠܵܛܘܿܣ. 63ܘܐَܡܸܪܗܘܿܢ ܐܸܠܹܗ: ܐܵܓ̣ܵܝܲܢ: ܒܸܕܟ̣ܵܪܵܐ ܝܘܵܚ ܕܗ̇ܘ ܡܲܚܠܸܛܵܢܵܐ ܐَܡܝܼܪܹܗ ܟܲܕ ܚܲܝܵܐ: ܡܒܵܬَܪ ܬܠܵܬَܐ ܝܵܘܡܵܢܹ̈ܐ ܒܸܬ ܩܵܝܡܸܢ. 64ܦܩܘܿܕ ܗܲܕܟ̣ܵܐ ܕܗܵܘܝܼ ܗܸܫܝܵܪ ܒܩܲܒ̣ܪܵܐ ܗܲܠ ܝܵܘܡܵܐ ܕܬܠܵܬَܐ: ܕܠܵܐ ܐܵܬܝܼ ܬܲܠܡܝܼܕܘܼ̈ܗܝ ܓܵܢܒ̣ܝܼ ܠܹܗ: ܘܐܵܡܪܝܼ ܠܛܵܝܸܦܵܐ: ܩܸܡܠܹܗ ܡ̣ܢ ܡܝܼܬܹ̈ܐ: ܘܒܸܬ ܗܵܘܝܵܐ ܚܸܠܛܘܼܢܝܘܼܬܵܐ ܐܚܵܪܵܝܬܵܐ ܒܘܼܫ ܚܸܪܒܵܐ ܡ̣ܢ ܩܵܕَܡܵܝܬܵܐ. 65ܐܡܸܪܵܗ ܐܸܠܵܝܗܝ ܦܝܼܠܵܛܘܿܣ: ܐܝܼܬ ܠܵܘܟ̣ܘܿܢ ܢܵܛܘܿܪܹ̈ܐ: ܙܹܠَܡܘܿܢ ܗَܘܹܝܡܘܿܢ ܗܸܫܝܵܪ ܕܵܐܟ̣ܝܼ ܕܝܵܕܥܝܼܬܘܿܢ. 66ܘܐܵܢܝܼ ܐَܙܸܠܗܘܿܢ ܗَܘܹܐܠܗَܘܿܢ ܗܸܫܝܵܪ ܒܩܲܒ̣ܪܵܐ: ܘܡܚܹܐܠܗܘܿܢ ܡܵܘܗܪ ܠܗ̇ܘ ܟܹܐܦܵܐ ܥܲܡ ܢܵܛܘܿܪܹ̈ܐ.